Umiikot ngayon ang isang online petition na humihiling na mag-isyu ng public apology ang Liberal Party dahil sa kontrobersyang dala ng pagsasayaw ng grupong playgirls sa pagtitipon ng LP sa Laguna, kasabay ng kaarawan ni Congressman Benjie Agarao.
Pinangunahan ng concerned citizen na si Edna Aquino ang isang change.org petition kung saan ipinagdiinan nito na dapat mag-sorry ang partido ni Pangulong Noynoy Aquino dahil sa umano’y offensive show.
Iginiit ni ginang Aquino na labag sa Republic Act number 9710 o Magna Carta for Women ang naturang gawain.
Una nang inihayag ni LP standard bearer Mar roxas na paiimbestigahan niya ang nasabing pagtatanghal na umani ng batikos sa social media.
By: Meann Tanbio
