Nilinaw ng PNP o Philippine National Police na nasa dalawang porsyento (2%) lamang ng lahat ng nangyaring patayan sa buong bansa sa nakalipas na isang taon ang may kinalaman sa droga.
Batay sa datos ng PNP-Directorate for Investigation and Detective Management mula Hulyo 1, 2016 hanggang Setyembre 15, 2017, sa 15,000 homicide cases sa bansa, 6,000 na ang kanilang naresolba kung saan halos 400 lamang dito ang napatunayan nilang drug related.
Ito ang mga kaso ng onsehan sa droga kung saan nagpapatayan ang mga drug personality habang ang natitirang 5,600 insidente ng patayan na walang kinalaman sa droga ay mga kaso ng rido, away o love triangle.
Sa ngayon mayroon pang 9,000 homicide cases ang iniimbestigahan ng pulisya kung drug related o hindi pero nilinaw ni PNP Spokesman Chief Superintendent Dionardo Carlos na hindi kasama rito ang mga napatay sa police operations.
Karamihan sa mga patayan (homicide cases) sa bansa, walang kinalaman sa droga – PNP @dwiz882 pic.twitter.com/jKHftHiOUb
— Jonathan Andal (@JonathanAndal_) September 28, 2017