Pansamantalang sinuspinde ng Department of Environment and Natural Resources (DENR) ang Dragon Boat Race Activities sa Boracay.
Ito ay matapos ang pagtaob ng bangkang sinasakyan ng mga miyembro ng dragon boat team.
Nagpatawag na rin ng pagpupulong si Environment Secretary Roy Cimatu sa mga ahensyang kasama sa emergency rescue and response team para gumawa ng comprehensive assesment sa mga protocol sa lugar.
Ito aniya ay para makagawa ng mga rekomendasyon hinggil sa mas ligtas na dragon boat activities sa Boracay.
Matatandaang noong Miyerkules ay namatay ang pito katao matapos tumaob ang sinasakyang banka ng Boracay Dragon Boat Team habang nag eensayo.
