Isang magsasaka ang patay dahil sa heatstroke sa Cauayan City, Isabela.
Kinilala ang biktima na si Edwin Galupan, 52 taong gulang at residente ng Barangay Casalatan.
Nito lamang Martes ng hapon nang magpumilit si Galupan na magtungo sa kanilang taniman ng kamoteng kahoy.
Kinumpirma naman ng City Health Office ng Cauayan na heat stroke ang ikinamatay ng biktima matapos umabot sa 42 degrees celsius ang heat index sa isabela noong Martes habang kahapon ay pumalo sa 42.7 degrees celsius ang heat index sa naturang lugar.
By Drew Nacino