Mayroon nang go signal ang nasa apat na reclamation projects sa Manila Bay.
Ayon kay Philippine Reclamation Authority (PRA) General Manager Joselito Gonzales, mayroon nang notices to proceed ang Navotas City Coastal Bay Reclamation Project, Pasay 360-hectare reclamation project, Pasay 265-hectare reclamation project, at Horizon Manila 418-reclamation project.
Paglilinaw ni Gonzales, dadaan pa sa value engineering approval ang apat na proyekto kahit na mayroon na itong NDP.
Magugunitang nagbabala ang ilang grupo sa pamahalaan hinggil sa mga pagbahang idudulot ng mga reclamation projects sa Manila Bay.
Bukod dito, una na ring nagpahayag si Manila Mayor Isko Moreno na masusi niyang pag-aaralan ang mga multi-bilyong reclamation projects na nakalinya para sa Maynlila.
