Pansamantalang mawawalan ng suplay ng tubig ang ilang lugar sa mga lungsod ng Pasay, Caloocan at Navotas simula mamayang gabi.
Batay sa abiso ng Maynilad Water Services, magkakaroon ng water interruption sa Pasay City mula alas-11:00 mamayang gabi hanggang alas-4:00 ng madaling araw bukas kung saan apektado rin ang Mall of Asia.
Alas-11:00 naman mamayang gabi hanggang alas-3:00 ng madaling araw bukas mawawalan ng suplay ng tubig ang Barangay 92, 96, 98 at 100 sa Caloocan.
Samantala, alas-10:30 naman mamayang gabi magsisimulang mawalan ng suplay ng tubig ang barangay Northbay Boulevard sa Navotas na tatagal hanggang alas-3:30 bukas.
Dahil dito pinapayuhan ng Maynilad ang mga apektadong residente na mag-ipon na ng maraming tubig.
—-
