Nananatiling lubog sa tubig baha ang ilang ilog sa Cagayan at Nueva Ecija.
Ayon sa Project Noah ng DOST, sa Buntun bridge sa Tuguegarao, ang water level sa Cagayan River ay nalubog pa ng 11.7 meters samantalang nasa 9.01 meters deep ang Parted Bridge sa kalapit na bayan ng Alcala.
Sa Nueva Ecija sa barangay Calipahan sa Talavera, ang tubig ay nasa 6.45 meters.
Una nang idineklara ang state of calamity sa Nueva Ecija at Ilagan City sa Isabela.
Samantala, sa Kalinga Province, nadagdagan ng 3.23 meters ang tubig sa Canao bridge sa Tabuk City.
Sa Ilocos Sur naman, ang water level sa Banaoang Bridge sa bayan ng Bantay ay nasa 3.4 meters at 4. 92 meters naman ang nadagdag sa Ana-ao bridge sa bayan ng Alilem.
By Judith Larino
