Hawak na ng ilang biktima nang nahulog na bus ng Leomarick Trans sa bangin sa Carranglan, Nueva Ecija ang kanilang insurance benefits.
Ipinabatid ni Bong Nocum, assistant vice president ng sales and operations ng passenger accident management insurance na dalawandaang libong piso ang ibinigay sa pamilya ng mga nasawi at dalawampung libong piso naman sa mga nasugatan.
Sinabi ni Nocum na halos limang milyong piso ang ipinalabas nilang cash para sa mga nasawi at nasugatan sa nasabing aksidente.
Itutuloy naman sa Martes, April 25 ang pagbibigay ng benepisyo ng pami sa LTFRB extension office sa Bayombong, Nueva Viscaya.
By Judith Estrada-Larino
