Nagtumbahan ang mga puno sa central business district ng General Santos City matapos na manalasa ang buhawi roon.
Sa inilabas na pahayag ng lokal na pamahalaan ng Gensan, nangyari ang pananalasa ng buhawi, dakong alas 1:45 ng madaling araw kanina.
Mabuti na lamang, walang napaulat na mga nasaktan sa insidente, pero nawalan naman ng kuryente ang ilang kabahayan sa lugar.
Kasunod nito, agad namang nag-ikot ang mga ahensya ng lokal na pamahalaan para magsagawa ng initial assesment sa pinsala ng buhawi.
Samantala, nagpaalala ang Gensan LGU sa mga residente nito, na mag-ingat sa tuwing lalabas ng kanilang kabahayan, dahil marami pa ang mga nakahambalang na mga punong nabuwal dahil sa insidente.
JUST IN: Ilang bahagi ng General Santos City sinalanta ng buhawi dakong 1:45 AM | via LGU-Gensan pic.twitter.com/iz1pO84EyE
— DWIZ Newscenter (@dwiz882) June 3, 2020