Inilabas na ng Cagayan Provincial Police Office ang facial composite sketch ng pangalawang suspek sa pagpatay kay Fr. Mark Ventura.
Ayon kay Sr/Supt. Warren Tolito, director ng Cagayan PNP, nakabatay sa paglalarawan ng mga testigo ang inilabas nilang computer generated facial composite ng suspek.
Ito ayon kay Tolito ang sinasabi ng mga testigo na nagmamaneho ng motorsiklong ginamit ng riding in tandem suspects sa pagpatay sa naturang pari at nagsilbi ring getaway vehicle ng mga ito.
Magugunitang walang habas na binaril si Fr. Ventura matapos ang kaniyang misa sa pinangangasiwaan nitong san Isidro Labrador Parish sa Gattaran, Cagayan nuong umaga ng Abril a-Beinte Nueve.
