Nakatakdang ilatag ngayong araw ng National Economic and Development Authority ang Gross Domestic Product ng Pilipinas para sa unang bahagi ng taong kasalukuyan.
Ayon sa mga economic analyst, dito malalaman kung malaki ang naging epekto ng mataas na inflation rate o ang sukatan sa presyo ng mga bilihin at serbisyo sa bentahan ng mga produkto.
Magugunitang nanawagan ang ilang mga mambabatas na repasuhin ang pagpapatupad ng Tax Reform for Acceleration and Inclusion Law at suspindehin din ang pagpapataw ng Excise Tax sa mga produktong petrolyo dahil sa mataas na presyo nito sa world market.
Una rito, kinumpirma ng mga kumpaniya ng softdrinks, energy drinks at iba pang matatamis na inumin ang malaking pagbagsak ng kanilang kita mula nang ipatupad ang train law na nagresulta ng malawakang tanggalan sa trabaho ng mga manggagawa.