Tinatayang nasa 20 katao ang nasugatan sa karambola ng sampung sasakyan sa Roxas Boulevard sa panulukan ng Airport Road sa Parañaque City kaninang umaga.
Ayon sa inisyal na report, labindalawa (12) sa mga ito ang lubhang nasugatan habang walo naman ang nagtamo ng minor injuries.
Batay sa ulat ng MMDA, kabilang sa mga sa insidente ang dalawang bus, apat na jeepney, dalawang UV express van at dalawang motorsiklo.
Patungo umano ng Baclaran ang bus nang mawalan ito ng preno at binangga ang iba pang sasakyan gayundin ang mga taong nag-aabang lang ng masasakyan sa lugar.
Patuloy pang bineberipika ng mga awtoridad ang bilang ng mga nasugatan at ang kanilang mga kalagayan matapos ang insidente.
—-
