Naghain ng petisyon sa Korte Suprema ang grupo ng mga kabataan na humihiling na palawigin ng isang buwan ang voters registration para sa Sangguniang Kabataan o S.K. Elections.
Pinangunahan ng Akbayan Youth at S.K. Reform coalition ang paghahain ng petisyon.
Ayon kay Miguel Angeles, co-convenor ng S.K. Reform coalition, nilabag ng COMELEC ang Republic Act number 10742 o ang S.K. Reform law dahil nilimitahan lamang nito sa 16 na araw ang registration period.
Bukod sa ilang botante sa Maynila, mayroon pang youth registrants mula sa Bacolod, Albay, San Pablo, Iloilo at Nagcarlan, Laguna ang nabigong makapagparehistro dahil sa ipinatupad na cut-off ng COMELEC.
By: Meann Tanbio / (Reporter No. 25) Allan Francisco