Isinusulong ni Quezon City Representative Winston Castelo ang pagsasagawa ng “Flood Summit”.
Ayon kay Castelo, Chairman ng House Committee on Metro Manila Development, ito ay dahil sa pagbaha sa maraming lugar bunsod ng patuloy na pag-ulan.
Paliwanag ni Castelo, layon ng flood summit na pulungin ang mga miyembro ng gabinete, mga opisyal ng lokal na pamahalaan, urban development experts at mga ekonomista para bumuo ng komprehensibong solusyon sa matagal ng problema sa pagabaha.
Dagdag pa ng Kongresista na batay sa pag aaral ng Japan International Cooperation Agency ay mahigit dalawang Bilyong Piso ang nalulugi sa ekonomiya kada araw na lubog sa baha ang mga lansangan kaya’t dapat na aniya itong bigyan ng solusyon.
—-
