Pansamantalang itinalaga ni Pangulong Rodrigo Duterte na Officer-In-Charge si Executive-Secretary Salvador Medialdea habang nasa South Korea siya para sa isang official visit alinsunod sa Special Order Number 511.
Bibisita si Pangulong Duterte sa South Korea simula Linggo, Hunyo 3 hanggang Martes, Hunyo 5.
Itinalaga ng Pangulo si Medialdea upang matiyak na hindi maaantala ang serbisyo ng gobyerno habang wala siya sa Pilipinas.
Inatasan naman ng punong ehekutibo ang lahat ng ahensya ng pamahalaan na makipagtulungan kay Medialdea sa lahat ng pagkakataon habang siya ay nasa South Korea.
—-
