Hinamon ni dating Manila Mayor Alfredo Lim sina Mayor Joseph Estrada, Vice Mayor Isko Moreno at mga miyembro ng konseho ng Maynila na sumalang sa lie detector test.
Sinabi ni Lim na dapat ipaliwanag ng mga ito ang pagtanggap ng milyong pisong suhol para ma-exempt sa zoning ang Torre de Manila.
Ayon pa kay Lim, maging ang pamunuan ng DMCI ay dapat magpaliwanag sa nasabing suhulan.
Erap, bumuwelta
Matanda na, sinungaling pa.
Ito ang buwelta ni dating Pangulo at Manila Mayor Joseph Estrada kay dating Manila Mayor Alfredo Lim kaugnay sa isyu ng Torre de Manila.
Ayon kay Estrada, bakit sa kanila isisisi ni Lim ang paglusot ng kontrsukyon ng naturang gusali gayung mismong ang dating alkalde aniya ang nag-apruba nito.
Binigyang diin ni Estrada na mismong si Lim ang nakapirma sa building at zoning permit na ibinigay sa DMCI.
By Judith Larino | Ralph Obina | Aya Yupangco (Patrol 5)