Hindi pa rin natinag si Pangulong Rodrigo Duterte sa pagsakay ng helicopter sa kabila ng aksidenteng kinasangkutan ng sinasakyang chopper nina Philippine National Police (PNP) Chief General Archie Gamboa at iba pa.
Ayon kay Presidential spokesman Salvador Panelo, tuloy pa rin sasakay ng chopper ang Pangulo sa pagpunta sa ilang events dahil kilala naman ito bilang fatalist.
Aniya, hindi takot ang pangulong mamatay sa katunayan ay madalas pa nga nitong sinasabi na kapag oras na niyang mamatay ay oras na.
Samantala, kinumpirma ni Panelo na posibleng bisitahin ni Pangulong Duterte si Gamboa at iba pang mga sugatang opisyal ng PNP.
