Ikinukunsidera na ni Davao City Mayor Rodrigo Duterte ang pagsabak sa 2016 presidential elections.
Ito, ayon kay Duterte, ay base na rin sa suhestyon ng kanyang mga kaibigan at taga-suporta.
Anya, ititigil na rin niya ang paglalabas ng mga pahayag na hindi siya interesado sa pagtakbo sa pagka-Pangulo.
Base sa pinakahuling Pulse Asia survey ng mga posibleng presidential candidate, pangatlo si Duterte na may 15 percent o nasa likod nina Senator Grace Poe at Vice President Jejomar Binay.
Pang-apat naman ang alkalde sa Social Weather Stations (SWS) na may 20 percent o nasa likod nina Poe, Binay at Interior Secretary Mar Roxas.
By Drew Nacino