Pumalo na sa 81 katao ang namatay dahil sa 2019 novel coronavirus (nCoV).
Ayon sa mga reports, 76 sa kabuuang bilang ay mula sa Hubei Province, China.
Nakumpirma na rin ang kauna unahang pagkamatay sa Shanghai.
Samantala, umabot na sa 2,794 ang kumpirmadong kaso ng nCoV.
Patuloy na nadaragdagan ang bilang ng mga kumpirmadong kaso ng 2019 novel coronavirus (nCoV) sa iba’t ibang bansa.
Nakumpirma na ang kauna unahang kaso ng nCoV sa Cambodia at umakyat na sa 5 ang nagkasakit sa Australia.
Itinaas naman ang infectious disease alert level sa South Korea matapos maitala ang ika-4 na kaso.
Magugunitang nauna nang nagkumpirma ng kaso ng sakit ang Thailand, France, Japan, Malaysia, Nepal, Singapore, Hong Kong, Taiwan, Vietnam at Amerika.
Samantala, nagbabala naman ang isang epidemiologist sa Hong Kong na maaaring mauwi sa global epidemic ang nCoV.