Dumipensa si Northern Samar First District Congressman Harlin Abayon sa eksenang ginawa niya sa proclamation ng nanalong presidente at bise presidente sa joint session ng Kongreso.
Ayon kay Abayon, kinailangan nyang kuwestyunin ang presensya ni dating Congressman Raul Daza at ang karapatan nitong bumoto para sa proklamasyon ng nanalong Pangulo at Pangalawang Pangulo.
Iginiit ni Abayon na siya pa rin ang lehitimong kinatawan ng Northern Samar First District, batay sa deklarasyon ng Korte Suprema na nagpapawalang bisa sa desisyon ng House of Representatives Electoral Tribunal o HRET.
Una nang idineklara ng HRET si Daza na siyang tunay na nanalo bilang kinatawan ng unang distrito ng Northern Samar at pinanumpa ito bilang bagong kinatawan noong Marso 14 ng taong kasalukuyan.
Bahagi ng pahayag ni Congressman Harlin Abayon
By Len Aguirre | Ratsada Balita
