Pinagpapaliwanag ni Senator Robin Padilla ang Department of Finance (DOF) sa planong pagbabayad ng buwis ng Online sellers.
Aminado ang Senador na nangangamba sa naturang plano ng DOF ang kanyang asawang si Mariel Padilla dahil isa rin itong Online seller.
Binigyang-diin naman ni Finance secretary Benjamin Diokno na isinusulong ng ahensya na buwisan ang mga online products upang maging patas sa mga regular na tindahan na pinapatawan din ng buwis.
Nilinaw naman nina Diokno at BIR comissioner Lilia Guillermo na pina-plano pa lang naman at kailangan pang dumaan sa Kongreso ang hirit na patawan ng tax ang mga Online product. —sa panulat ni Jenn Patrolla
