Umalma ang China sa inilabas na report ng Pentagon kaugnay sa aktibidad ng Beijing sa South China Sea.
Ayon sa Beijing, walang karapatan ang Estados Unidos para i-monitor ang military strategy ng China.
Binalaan ng Beijing ang Estados Unidos na makakasira lamang ito sa relasyon ng dalawang bansa.
Batay kasi sa inilabas na report ng Pentagon, lumawak pa ang reclamation ng China sa mga pinag-aagawang teritoryo.
Balak din daw ng China na magtayo ng karagdagang mga pasilidad sa West Philippine Sea.
Ayon sa Beijing, makakasira lamang sa umano’y lehitimong aktibidad ng China sa West Philippine Sea ang inilabas na report ng Amerika.
By Mariboy Ysibido