Idineklara na ng alkalde ng New York City na terorismo ang pag-araro ng isang truck sa Lower Manhattan na pumatay ng 8 katao.
Nakatagpo di umano ng isang sulat ang awtoridad sa ginamit na truck ng suspect na si Sayfullo Saipov kung saan sinasabi niyang ginawa niya ang insidente sa pangalan ng ISIS.
Napag-alaman sa paunang imbestigasyon na nirentahan lamang ng suspek ang ginamit niyang truck.
Una rito, inararo ng truck ang daanan ng mga bisikleta malapit sa World Trade Center at saka ibinangga ang truck sa isang school bus.
Dito na lumabas ng truck ang suspect at saka iwinagayway ang hawak na baril na kalaunan ay natuklasang isang laruan lamang.
Binaril ng mga pulis ang suspect sa tiyan at ngayon ay sumasailalim na sa operasyon sa isang ospital.
—-
