Maglalagay ng dagdag na immigration officers sa katimugang bahagi ng bansa para tumulong sa pagmonitor ng mga terorista, human traffickers at kanilang mga biktima.
Ayon kay Grifton Medina, deputy spokesperson ng Bureau of Immigration o BI, tatlumpung (30) bagong immigration officers na magmumula mismo sa southern border ang kanilang kukunin sa ahensya.
Sasanayin muna aniya ang mga bagong immigration officer at ide-deploy sa limang border crossing stations ng bansa.
Ito ay sa Batuganding, Saranggani Davao del Sur at Tibanban sa Governor Generoso Davao Oriental na malapit sa border ng bansa sa Indonesia; Bongao, Tawi – Tawi at; Balabac Palawan na malapit sa border ng Malaysia at at Taganak Island na mas malapit pa sa Sandakan, Malaysia kaysa sa Pilipinas.
