Iniurong ng Commission on Elections (COMELEC) sa Pebrero 8 ang pag-imprenta ng mga balota na gagamitin sa eleksyon sa Mayo.
Sa panayam ng DWIZ, ipinabatid ni COMELEC Chairman Andy Bautista na nagpasya ang En Banc sa pangunguna ni Senior Commissioner Christian Robert Lim, Chairman ng steering committee na iurong ang petsa ng ballot printing.
Ito’y habang hinihintay ang desisyon sa mga nakabinbing disqualification case ng ilang mga kandidato gaya ng kay Senador Grace Poe.
Kasabay nito, sinabi ni Bautista na sisikapin nilang ma-finalize ang listahan ng mga kandidato sa Pebrero 3.
“Tapos sabi namin sige para lang ipakita na kumbaga if we can accommodate why not, pero talagang ang nakitang pinakamalayong petsa na puwede naming ma-accommodate ay February 8, so yun pong pag-imprenta February 8, although yung pag-finalize po ng listahan ng mga kandidato ay sa February 3.” Pahayag ni Bautista.
By Meann Tanbio | Karambola