Sisimulan na ng Metropolitan Manila Development Authority ang paglilipat ng mga provincial bus sa bagong Southwest Interim Provincial Terminal o Swipt sa Hk Sun Plaza, Pasay City na magiging operational bukas.
Ayon kay M.M.D.A. Chairman Tim Orbos, nasa 300 provincial bus na may end points sa Baclaran, Mall of Asia, Mandaluyong at Cubao ang idedeploy sa bagong swipt site.
Makikipag-ugnayan anya ang M.M.D.A. sa Land Transportation Franchising and Regulatory Board para sa updated list ng provincial bus companies na may balidong prangkisa sa mga nasabing end points.
Mas mainam anya ang Hk Sun Plaza kumpara sa terminal sa Coastal Mall dahil walang magiging terminal fee.
Mananatili namang bukas ang swipt sa Coastal Mall hangga’t hindi pa nakalilipat ang lahat ng provincial bus companies sa bagong site sa HK Sun Plaza.
By: Drew Nacino
