Mapapasabak ang Philippine National Men’s Football Team laban sa Maldives bilang bahagi ng preparasyon ng Azkals laban sa Uzbekistan sa FIFA World Cup Qualifiers.
Gaganapin ang friendly match ng Azkals at Maldives sa Setyembre 3 sa Rizal Memorial Stadium sa Maynila.
Makakatulong umano ang laro na ito sa paghahanda ng Azkals laban sa Uzbekistan sa Septyembre 8 sa Philippine Arena, Bulacan.
Matatandaang nagtuos ang Azkals at Maldives sa isang makasaysayang bakbakan sa Asian Football Confederation Challenge Cup noong isang taon kung saan naitakas ng mga Pilipino ang 3-2 win.
By Jelbert Perdez