Inamin ng Armed Forces of the Philippines o AFP na hindi nila maaabot ang itinakda nilang deadline sa pagtapos ng kaguluhan sa Marawi City.
Ayon kay AFP Spokesperson Restituto Padilla, ito ay dahil sa inoukupa pa rin ng Maute at Abu Sayyaf fighters ang ilang gusali sa lungsod at patuloy pa ring nanlalaban ang mga terorista sa pamamagitan ng mga nakaposisyon nilang sniper.
Sinabi ni Padilla na hindi matatawag na ligtas ang Marawi hanggat may kahit isang terorista ang matitira doon.
Matatandaang nagbigay ang militar ng kanilang deadline na tatapusin ang kaguluhan sa Marawi City hanggang ngayong weekend.
Batay sa tala ng AFP, nasa isandaan at dalawampung (120) terorista na ang kanilang napapatay sa nagpapatuloy na operasyon kontra Maute at Abu Sayyaf sa Marawi.
By Ralph Obina
AFP aminadong di maaabot ang deadline sa Marawi crisis was last modified: June 3rd, 2017 by DWIZ 882