Mahigit animnapung (60) milyong katao ang nanganganib maapektuhan ng inaasahang pagtama ng magkahiwalay na snowstorm sa Northwest, Midwest at Northeastern United States.
Kabilang sa mga nakararanas na ng tumitinding snowfall ang Chicago, Illinois, Detroit, Michigan at Cleveland, Ohio habang nagsimula na ring makaranas ng pag-ulan ng niyebe sa New York at Pennsylvania states.
Ibinabala rin ng US National Weather Service ang paghagupit ng blizzard sa mga nabanggit na lugar na maaaring magresulta sa hanggang 50 pulgadang kapal ng niyebe.
Pinayuhan naman ng mga awtoridad ang mga residente na iwasan munang lumabas ng bahay o bumiyahe hangga’t maaari lalo’t inaasahang libu-libong flights na naman ang posibleng maapektuhan.
—-
