Sugatan ang 4 na sundalo matapos makasagupa ang nasa 30 miyembro ng New People’s Army o NPA sa barangay Aragon, Davao Oriental.
Ayon kay Eastern Mindanao Command Spokesperson Capt. Alberto Caber, rumesponde ang militar sa reklamo ng mga residente dahil sa umano’y panggugulo at pangongotong ng mga rebelde kung saan nasugatan ang mga hindi pinangalanang sundalo.
Narekober ng tropa ng gobyerno sa pinangyarihan ng bakbakan ang ilang pampasabog at mga matataas na kalibre ng baril.
Hindi naman masabi ng militar kung may mga nasawi o kung ilan ang nasugatan sa panig ng NPA.
By Jelbert Perdez | Chris Barrientos (Patrol 21)