Isang hinihinalang miyembro ng Muslim rebel group na may kaugnayan sa Abu Sayyaf ang patay makaraang maka – engkwentro ng mga pulis sa bayan ng Naga, Zamboanga Sibugay.
Kinilala ang napatay na si Moner Jikiri Timbol, 44 anyos na kabilang sa grupo ng Abdusalam.
Nakatanggap ng sumbong ang Zamboanga Sibugay Provincial Public Safety Company mula sa isang residente ng Barangay Mamagon hinggil sa ilang namataang armadong lalaki sa Sitio Panjang.
Tumagal ng sampung minuto ang bakbakan na nagresulta sa pagkamatay ni Timbol na napag – alamang mayroong warrant of arrest dahil sa kasong murder.
Samantala, nakatakas naman ang anim na kasamahan ni Timbol na ngayo’y tinutugis na ng mga otoridad.
_____
