Ipinagmalaki ng PNP na walang biktima ng indiscriminate firing nitong salubong sa bagong taon.
Ayon kay PNP Chief Ronald “Bato” Dela Rosa, bagamat may mga insidente nang walang habas na pagpapaputok ng baril nitong holiday season, wala namang nasugatan o namatay dahil dito.
Nilinaw din ni Dela Rosa na biktima ng shooting incident at hindi indiscriminate firing ang dalawang bata sa Caloocan na tinamaan ng bala nang magkaputukan ang mga lasing sa kanilang lugar.
Sa ngayon ayon kay Dela Rosa, may naaresto na silang 3 pulis, 2 sundalo, 1 baranggay kagawad at mga sibilyan dahil sa indiscriminate firing.
Tiniyak naman ng hepe ng pambansang pulisya na masisibak sa serbisyo ang mga naarestong pulis.
