Target ng Philippine Drug Enforcement Agency (PDEA) na ipitin ang yaman ng tinagurian nilang ‘drug queen’ na si Guia Gomez Castro.
Ayon kay PDEA Director General Aaron Aquino, makikipag-ugnayan sila sa Anti-Money Laundering Council (AMLC) para sa financial investigation laban kay Castro.
Aminado si Aquino na maliban dito ay wala na silang magagawa pa para masakote si Castro dahil sa kawalan ng ebidensya laban dito.
Sa ngayon ay naisumite na ng PDEA sa PNP-NCRPO ang pangalan ng anim na pulis na kasabwat di umano ni Castro kabilang na ang kapatid nito.
Ipinaliwanag ni Aquino na ang mga pulis na nasa kanilang listahan ay hindi na aktibo sa serbisyo kayat kailangang i-operate na ng PNP. — sa panayam ng Ratsada Balita
