Posibleng maghain ng withdrawal of candidacy si Senator Christopher “Bong” go sa COMELEC sa mga susunod na araw matapos umatras sa pagkandidato sa pagka-pangulo sa 2022 elections.
Ayon kay COMELEC Spokesman James Jimenez, hindi entitled sa ‘substitution’ si Go matapos ang biglaan nitong pag-anunsyo ng ‘withdrawal’.
Nilinaw ni Jimenez na ang ginawa ng senador ay isang “voluntary withdrawal,” na na-nga-ngahulugang walang substitution.
Kailangan anyang personal na maghain ng statement of withdrawal si Go sa poll body.
Kahapon ay sarado ang COMELEC Law Department Office dahil Bonifacio Day kaya’t hindi ito tumanggap ng anumang filings.—sa panulat ni Drew Nacino
