Inihayag ni Presidential Communications Operations Office (PCOO) Secretary Trixie Cruz-Angeles na walang deadline na itinakda si Pangulong Ferdinand Marcos Jr. kaugnay sa pagkumpleto sa mga uupong miyembro ng kanyang gabinete.
Mababatid na hanggang ngayon ay hindi pa rin nakapagtatalaga ng kalihim o mamumuno si PBBM sa Department of Health (DOH), Department of Environment and Natural Resources (DENR), Department of Energy (DOE), Philippine Amusement and Gaming Corporation (PAGCOR) at Philippine Philippine Charity Sweepstakes Office (PCSO).
Dagdag pa ng kalihim, kapag na-evaluate na lahat ng mga aplikasyon at kandidato ay sigurado na magtatalaga at pupunan na ni Pangulong Marcos Jr. ang mga bakanteng posisyon sa kanyang gabinte.
Samantala sa ngayon, base sa Memorandum Circular no. 1 na inilabas noong biyerney ay ang oic muna ng mga ahensiya ang pansamantalang uupo sa mga nabakanteng posisyon at tanggapan ng gobyerno.
