Hinimok ni vice presidential aspirant at Davao City Mayor Sara Duterte – Carpio ang kanyang supporters na balewalain ang mga issue sa PDP-Laban, na partido ng kanyang amang si Pangulong Rodrigo Duterte.
Ito’y sa gitna ng posibleng banggaan nilang mag-ama sa pagka-bise presidente sa 2022 elections.
Ayon sa alkalde, ang mga problemang naka-aapekto sa partido ni Pangulong Duterte ay issue na tanging ang PDP-Laban ang makareresolba.
Nilinaw din ni Mayor Inday na napagdesisyunan niyang huwag kumandidato bilang pangulo pero bilang tugon sa mga panawagan na tumakbo siya para sa national post, nakapagpasya siyang sumabak sa vice presidential race.
Bahagi ng pahayag ni vice presidential aspirant At Davao City Mayor Sara Duterte – Carpio. —sa panulat ni Drew Nacino
