Pinangalanan ng grupong ‘Alyansa Tigil Mina’ ang mga pulitiko at prominenteng negosyante na mayroong mga kinalaman sa industriya ng pagmimina sa bansa.
Ito ay sa gitna ng paglilinis ng Department of Environment and Natural Resources (DENR) sa mga minahan sa bansa.
Kabilang sa listahan ng ‘Alyansa Tigil Mina’ ay sina Senator Cynthia Villar, Senator Richard Gordon, Philip Romualdez, Manny Pangilinan, David Consunji, Benglen Ecleo, Henry Sy, Lucio Tan, Ramon Recto, Cong. Philip Pichay, dating Secretary Mike Defensor, Senator Sonny Angara, Congressman Jack Enrile at Senator Juan Ponce Enrile.
Kamakailan lang ay ipinag-utos na ng DENR ang closure ng 23 large scale mining sa bansa at suspensyon ng ilan pa matapos ang isinagawang mining audit ng ahensya.
By Katrina Valle | Report from: Jill Resontoc (Patrol 7)
