Wala nang saysay para sa Malacañang ang panawagang sibakin sa puwesto si resigned Philippine National Police (PNP) Chief Alan Purisima.
Ito ang sagot ng Malacañang sa panawagan ni Senador Bongbong Marcos sa kaniyang privilege speech kung saan, pinayuhan nito ang Pangulong Noynoy Aquino na sibakin at kasuhan si Purisima dahil sa nangyari sa Mamasapano massacre.
Ayon kay Presidential Spokesman Edwin Lacierda, hindi niya batid kung ano ang tinutumbok ni Senador Marcos dahil sa wala naman nang hinahawakang pusisyon sa PNP si Purisima.
Magugunitang pinaratangan ni Marcos ang Malacañang na binibigyan umano ng VIP treatment si Purisima bagay na itinanggi naman ng palasyo.
By Jaymark Dagala
