Binalikan ng isang public health expert si Presidential Spokesman Harry Roque sa pahayag nitong hindi na dapat maging ‘choosy’ o pihikan ang mga Pilipino pagdating sa coronavirus disease 2019 (COVID-19) vaccine na ituturok sa kanila.
Tinawag na “unfair” ni Dr. Anthony Leachon ang nasabing pahayag ni Roque na paglabag sa nakasaad sa konstitusyon hinggil sa basic right at may kinalaman sa wellness.
Binigyang diin ni Leachon na dapat maging choosy ang mga Pinoy dahil kailangang mahanap ang tamang bakuna, base sa efficacy at safety nito.
Ipinaalala ni Leachon kay Roque na ang gobyerno ay nagtatrabaho para sa tao kaya’t tungkulin nitong humanap ng tamang bakuna para sa mga Pilipino.
