Handa si Vice President Leni Robredo na gumawa ng infomercial kasama si Pangulong Rodrigo Duterte para hikayatin ang publiko na magpabakuna kontra coronavirus disease 2019 (COVID-19).
Ito ay matapos ipahayag ni Robredo na bukas siya sa paggawa ng infomercial kasama ang pangulo kung ito lamang ang paraan para makuha ang tiwala ng publiko pagdating sa bakuna.
Ayon kay Robredo, magandang oportunidad ito upang mapalakas ang kumpiyansa ng taumbayan na magpabakuna .
Bukod dito, sa ganitong panahon aniya ng pandemya kailangan pinagtutulungan kung paano mapapalakas ang tiwala ng publiko sa mga bakuna.
Magugunitang hindi pa nasisimulan ang vaccination program ng govbyerno ay naglabas ang Office of the Vice President (OVP) ng vaccine infomercial noong Pebrero.
Habang muli namang naghahanda ang OVP ng infomercial kasama ang kanilang mga volunteer sa opisina.
