Suspendido ang voter registration sa Metro Manila habang umiiral ang dalawang linggong Enhanced Community Quarantine (ECQ) simula sa Agosto 6.
Gayunman, sinabi ni COMELEC Director James Jimenez na umaasa silang uusad pa rin ang registration at sa ngayon ay pinag-aaralan na nila ang iba pang mga posibleng paraan.
Ani Jimenez, magkakaroon ng re-schedule ang voter registration satellites sa Metro Manila habang magpapatuloy ang operasyon sa mga nasa labas ng NCR.
Ipinabatid naman ni Jimenez na lagpas na sa target ang bilang ng mga nakapag parehistro na ngunit patuloy aniya nilang hinihikayat ang iba pa nating kababayan na magparehistro na para sa 2022 elections.
