Inakusahan ni Senador Antonio Trillanes IV si Davao City Vice Mayor Paolo Duterte na miyembro ng isang ‘triad’.
Ito aniya ay batay sa nakuha niyang intelligence report mula sa ibang bansa.
Sinabi ni Trillanes na patunay ng pagiging miyembro ng sindikato ni Duterte ay ang mala dragong tatoo nito sa likod.
Gayunman, tumanggi ang bise alkalde na ipakita ang sinasabing tatoo nito.
Nais bigyang diin ni Trillnes na hindi lamang sa smuggling sangkot ang nakababatang Duterte kundi maging sa iligal na droga.
VM Duterte at Atty. Carpio tumangging pumirma ng waiver
Tumanggi sina Davao City Vice Mayor Paolo Duterte at bayaw nitong si Atty. Manases Carpio sa hamon ni Senador Antonio Trillanes na pumirma ng dokumento para i-waive ang kanilang bank secrecy rights.
Kaugnay ito sa umano’y daan-daang milyong pisong laman ng mga account sa bangko ng anak at manugang ni Pangulong Rodrigo Duterte.
Ayon kay Trillanes mayroon umanong mahigit 104 na milyong pisong pera sa bangko ang nakababatang Duterte habang may bank account naman umano si Carpio na nasa mahigit 121 milyong piso.
