Nag – aalala si Senador JV Ejercito sa pahayag ng National Food Authority o NFA na kinakapos na ang suplay ng bigas.
Dahil ditto, sinabi sa DWIZ ni Ejercito na dapat nang ituloy ang pag – angkat ng bigas para maiwasan ang mas mabigat pang scenario o magutom ang mga Pilipino.
Binigyang diin pa ni Ejercito na kailangan na ang puspusang pagkilos para maging rice self-sufficient ang Pilipinas.
Siguro… para lang masiguro na meron tayong buffer stock dahil hindi naman pwedeng magutom ang ating mga kababayan kung talagang kulang pero we really have to work on to self-sufficient.
Nakakalungkot mang isipin na dati tayo ang nagtuturo ng rice production, dati tayo ang nag-eexport [export], ngayon tayo na ang bumibili.
‘Yun ang hindi ko matanggap.
Una dito, ititigil muna ng NFA ang pagbebenta ng mga bigas sa kanilang accredited rice retailers dahil sa kakulangan ng suplay.
Sinabi ni NFA Spokesperson Rebecca Olarte na prayoridad nilang masuplayan ng bigas ang mga biktima ng kalamidad.
