Papayagan na muli simula bukas, October 30, ang visitation rights sa New Bilibid Prisons (NBP).
Ayon kay Atty. Wena Dalagan, spokesperson ng Bureau of Corrections (BuCor), maaaring muling bumisita ang pamilya ng mga bilanggo na nasa maximum security compound subalit sasailalim sa matinding pagsusuri tulad ng body frisking at strip searching kung kinakailangan ang mga bisita.
Susuriin din aniya ang lahat ng kaniyang gamit bago makapasok sa NBP.
Kasabay nito ay nagpalabas ng schedule ang BuCor ng oras ng pagbisita sa NBP sa pamamagitan ng per quadrant basis.
