Puspusan na ang paghahanda ng Batangas Provincial Disaster Risk Reduction and Management Office o PDRRMO sa posibleng paglikas ng mga residenteng naninirahan malapit sa bulkang Taal.
Ito’y matapos itaas ng Phivolcs sa alert level 2 ang bulkang Taal dahil nakitaan ng volcanic tremors o pagyanig ng bulkan kung saan nagdulot ng pagbuga ng lupa.
Ayon kay Lito Castro, Head ng Batangas PDRRMO, nakataas pa lang ang banta sa volcanic island.
Dagdag ni Castro, may ilang bayan pa rin ang pinagbabawalan na pumunta sa Taal lake.
Bukod dito, binawasan ang window hours sa mga mangingisdang nais magpunta rito.
Samantala, minomonitor na rin ng mga personnel mula sa PNP, coast guard at lokal na gobyerno ang mga apektadong lugar.— sa panulat ni Rashid Locsin