Idineklara ng lokal na pamahalaan ng Valenzuela City ang Nobyembre 12 bilang special non-working holiday sa lungsod.
Layon nito na bigyang daan ang paggunita ng 399th founding anniversary ng siyudad.
Ang nasabing deklarasyon ay alinsunod sa ilalim ng proclamation no. 74 na nilagdaan ni Executive Secretary Lucas Bersamin noong October 14, upang pahintulutang makiisa ang mga mamamayan sa okasyon at mga seremonya kasabay nang pag-obserba sa COVID-19 health at safety protocols.
Pinayuhan naman ng lokal na pamahalaan ang mga residente na antabayanan ang anunsyo kaugnay sa operation hours ng city offices.
