Iginiit ni House deputy speaker at Basilan Rep. Mujiv Hataman na wala nang pangil ang Abu Sayyaf Group (ASG) sa Basilan bunga aniya ng maraming taon na pakikipagtulungan ng security forces, lokal na pamahalaan at komunidad sa ilalim ng program against violent extremism.
Ito’y matapos magpost si Investigative Journalist Raisa Robles sa kanyang Twitter account na posible umanong dumami ang maging biktima ng kidnapping sa plano ni incoming Tourism Sec. Christina Frasco na buhayin ang turismo sa Mindanao.
Ayon kay Hataman Malaya, nakakagalaw at nawala na ang takot na noon ay bumabalot sa Basilan at sa katunayan aniya ilang beses nang pabalik-balik ang mga matataas na opisyal ng pamahalaan sa lalawigan, ilang laro na din ng Maharlika Pilipinas Basketball League ang naidaos dito
Dagdag pa ng kongresista ilang beses na ding aniyang na-feature sa iba’t ibang website ang kagandahan ng mga dagat sa lugar gaya ng Malamawi Beach na isa sa pinakamagandang beach sa buong bansa.
