Tinawag na ‘fake news’ ni Pangulong Ferdinand Marcos Jr. ang napaulat na magkakaroon ng pagbabago sa liderato ng Department of Finance (DOF).
Ginawa ni Pangulong Marcos ang pahayag matapos lumabas ang report na isa raw si Albay 2nd District Rep. Joey Salceda sa mga posibleng iluklok niya sa DOF.
Sa isang ambush interview, sinabi ng punong ehekutibo na mahusay ang lupon na nabuo niya sa DOF at maganda naman ang landas na tinatahak ngayon ng ahensya.
Matatandaang pinabulaanan na rin ni Salceda na itatalaga siya bilang kalihim ng finance department.
