Nadagdagan naman ng 31 ang bilang ng mga bagong kaso ng UK COVID-19 variant sa bansa.
Ito ang dahilan kaya’t pumalo na sa 118 ang kabuuang kaso ng UK covid variant o B-117 virus.
Nakumpirmang UK variant ang dinadala ng mga pasyente makaraang sumailalim ito sa genome sequencing.
Ito ang ika-siyam na batch ng mga samples mula sa Philippine Genome Center.
Ayon kay Health Sec. Francisco Duque III, 28 sa 31 bagong kaso ng UK covid variant ay mula sa Metro Manila.
Batay sa datos ng DOH, 39 mula sa 118 kaso ng UK variant ang aktibo, 77 ang gumaling na sa sakit habang dalawa naman ang nasawi.
