Tinanggalan na ng lisensyang makapag operate ang Uber sa London.
Ayon sa Transport for London (TFL), hindi karapat dapat ang Uber na humawak ng lisensya para makapag operate dahil sa maraming isyu.
Tinukoy ng TFL ang pagbibigay ng accreditation ng Uber sa mga drivers na walang lisensya at walang insurance.
2017 pa nang unang tanggalan ng lisensya para mag operate sa London ang Uber subalit nakakuha ito ng 15 buwang extension sa hawak nilang lisensya na nagtapos na rin kamakailan.
Tinatayang nasa 45,000 drivers ang nanganganib mawalan ng trabaho kapag natuloy ang hindi na pagpaparenew sa license to operate ng Uber sa London.
